<h2><span style="color: rgb(57, 123, 33); font-family: &quot;Times New Roman&quot;;">KONFERENCA E VII FARMACEUTIKE MBARËKOMBËTARE “SË BASHKU PËR FARMACEUTIKËN”</span></h2><p>THIRRJE PARAPRAKE PËR PJESËMARRJE AKTIVE NË KONFERENCËN E VII FARMACEUTIKE MBARËKOMBËTARE “SË BASHKU PËR FARMACEUTIKËN” QË DO TË ZHVILLOHET NË HOTEL “TIRANA INTERNATIONAL”, NË DATAT 12-13 PRILL 2024</p><p>Urdhri i Farmacistëve të Shqipërisë, në bashkëpunim me Odën e Farmacistëve të Kosovës, organizon Konferencën e VII Mbarëkombëtare Farmaceutike “Së Bashku Për Farmaceutikën”. </p><p>Konferenca do të zhvillohet në “Hotel Tirana International” në datat 12 dhe 13 Prill 2024.</p><p>Aktiviteti ka për qëllim të bashkojë të gjithë profesionistët e farmaceutikës dhe të shkencave të tjera mjekësore të lidhura me të, profesionistë të cilët japin kontributin e tyre në Shqipëri, Kosovë, Maqedoni të Veriut, Mal të Zi dhe kudo në botë.</p><p>Është i mirëpritur kontributi shkencor dhe profesional i çdo kolegu, kontribut që vlen edhe si një moment ballafaqimi dhe njohjeje midis aktorëve të ndryshëm të sektorit farmaceutik brenda dhe jashtë vendit.</p><p>Konferenca është në vazhdën e konsolidimit dhe të ndërtimit të vazhdueshëm të njohurive bashkëkohore për të cilat ka nevojë profesioni i farmacistit. Në ditët që jetojmë, këto janë pjesë e një spektri të gjerë, në të cilin gjejmë aspekte tradicionale dhe karakterizuese të profesionit të farmacistit, por edhe elementë që vijnë nga bota e inteligjencës artificiale, elektronikës, farmakogjenomikës, etj. Dorëzimi i kontributit shkencor dhe profesional (dorëzimi i abstrakteve) do të kryhet në adresën email: <span style="color: rgb(0, 0, 0); font-weight: bold;">edukimnevazhdim@ufsh.org.al</span>, brenda datës <span style="font-weight: bold;">5 shkurt 2024.</span></p><p>Abstrakti dorëzohet në një dokument Word së bashku me CV-në e autorit kryesor.</p><p>Ftojmë të gjitha kompanitë farmaceutike (Përfaqësi, Importues-Shpërndarës dhe Prodhues) në Shqipëri dhe Kosovë, të mbështesin financiarisht Konferencën, si dhe të prenotojnë hapësirat për reklamimin e produkteve të tyre.</p><blockquote class="blockquote"><span style="font-weight: bold;">SHËNIM:</span>&nbsp;Në lidhje me kohën e regjistrimit si dhe detaje të tjera rreth Konferencës, do ju informojmë në vijimësi nëpërmjet faqes zyrtare&nbsp;<a href="https://www.ufsh.org.al/" target="_blank">www.ufsh.org.al</a>, si dhe nga rrjeti social <a href="https://www.facebook.com/people/Urdhri-i-Farmacisteve-te-Shqiperise/100063482715321/" target="_blank">Facebook</a>.</blockquote><p><span style="font-weight: bold;">TEMAT E SUGJERUARA:&nbsp;</span><a href="https://www.ufsh.org.al/uploads/njoftimet/pdf/1739845667_67b3f023bddc9.pdf" target="_blank">(kliko këtu)</a></p><p><span style="font-weight: bold;">KRITERET E ABSTRAKTEVE</span>: <a href="https://www.ufsh.org.al/uploads/njoftimet/pdf/1739845667_67b3f023b93bc.pdf" target="_blank">(kliko këtu)</a></p>